Qeveria e Maqedonisë së Veriut miratoi propozimin e Komisionit për Sëmundje Infektive për hapjen e kufijve me shtetet e rajonit pa testin PCR. Vendimi do të hyjë në fuqi më 12 tetor dhe përfshin Kosovën, Shqipërinë, Serbinë dhe Malin e Zi. Një ditë më parë, Ministria e Shëndetësisë, kishte njoftuar se propozimi i Komisionit për hapjen e kufijve është marrë bazuar në analizat epidemiologjike, sipas të cilëve për momentin nuk ka të dhëna apo numër të lartë rastesh me COVID-19, që të kenë ardhur nga këto vende.“Bazuar në informacionet e momentit, nuk ka rrezik nga hapja e kufijve. Në Bashkimin Evropian, lëvizja e qytetarëve bëhet pa testin PCR”, thuhej në njoftimin e Ministrisë. Kryeministri maqedonas Zoran Zaev bëri të ditur se vendimi për hapjen e kufijve - pa testin PCR - ka pasuar një nismë rajonale për lehtësira mes shteteve dhe duke marrë parasysh gjendjen thuajse të njëjtë epidemiologjike.Vendime të ngjashëm pritet të marrin edhe qeveritë e tjera rajonale.