Katër persona u plagosën në Londër pasi u morën para nga kuajt e ushtrisë të cilët galopuan në rrugët e kryeqytetit duke shkaktuar panik në radhët e banorëve. Fotot dhe videot e postuara në mediat sociale treguan dy kuajt duke vrapuar përgjatë rrugëve të ngarkuara, duke shmangur autobusët, taksitë por dhe mjetet e tjera. Të dyja kafshët mbanin shalë dhe frerë. "Një numër i kuajve të punës ushtarake u liruan gjatë stërvitjes rutinë këtë mëngjes," tha një zëdhënës i ushtrisë. “Të gjithë kuajt tani janë gjetur dhe janë kthyer në kamp. Një numër i personelit dhe kuajve janë lënduar dhe po marrin kujdesin e duhur mjekësor.", sqaroi ai. Një numër regjimentesh prestigjioze të kalorësisë së ushtrisë kanë stalla në kryeqytetin britanik. Por gjatë stërvitjes ata u trembën dhe u larguan me vrap duke plagosur katër prej personelit ushtarak .