Një krizë e madhe ndërkombëtare është "shumë më e mundshme" në mandatin e dytë të Donald Trump, duke pasur parasysh "paaftësinë" e presidentit të zgjedhur për t'u fokusuar në politikën e jashtme, ka paralajmëruar një ish-ambasador i SHBA në Kombet e Bashkuara. John Bolton, i cili ishte këshilltari më jetëgjatë i Trumpit për sigurinë kombëtare, bëri një kritikë të ashpër për mungesën e njohurive, interesit për faktet ose strategjinë koherente të tij. Ai e përshkroi vendimmarrjen e Trumpit si të nxitur nga marrëdhëniet personale e "blicet e neuroneve" dhe jo nga një kuptim i thellë i interesave kombëtare. Bolton hodhi poshtë gjithashtu pretendimet e Trump gjatë fushatës zgjedhore të këtij viti se vetëm ai mund të parandalonte një luftë të tretë botërore duke i dhënë fund të shpejtë konflikteve në Gaza dhe Ukrainë. “Është tipike e Trumpit: është thjeshtë një krekosje”, tha Bolton për Guardian. “Bota është më e rrezikshme se kur ai ishte president herën e kaluar. E vetmja krizë e vërtetë që patëm ne ishte Covidi, një krizë afatgjatë jo kundër një fuqie të veçantë të huaj, por kundër një pandemie.