Leonard Duka, i njohur si kreu i klanit Duka dhe një prej rivalëve kryesorë të të zhdukurit Ervis Martinaj ka dëshmuar në procesin gjyqësor për vrasjen e ish policit, Santiago Malko. Duka akuzohet se ka organizuar dhe urdhëruar ekzekutimin e Santiago Malkos së bashku me vëllain, Erlis Duka, Fatmir Hysenin, Aleksandër Maxhakun dhe Oltian Gogën. Sipas hetimeve të SPAK, Duka ka urdhëruar ekzekutimin e Malkos si shenjë hakmarrjeje ndaj Ervis Martinajt në kulm të përplasjeve mes dy grupeve për kontrollin e tregut të basteve dhe të aktiviteteve të tjera të paligjshme. Duka pranoi se kishte pasur kontakte me Ervis Martinajn, por mohoi që të ketë pasur llogari në aplikacioni SKY, pavarësisht se SPAK paraqiti si prova të reja biseda mes tij dhe Martinajt në këtë aplikacion. Gjatë seancës pati përplasje pasi nëna e viktimës shpërtheu ndaj Dukës duke e akuzuar për vrasjen e djalit të saj, ndërsa e paralajmëroi se do të hakmerrej. Pas këtij debate, gjykata nxori jashtë sallës së gnënën e Santiago Malkos.