Drejtori i CIA-s, William Burns, bëri një udhëtim të fshehtë në Ukrainë në fillim të qershorit. Këtu zyrtarët në Kiev i zbuluan atij një strategji për të rimarrë territoret e pushtuara nga Rusia dhe për të hapur negociatat për një armëpushim deri në fund të vitit. Kështu shkruan Ëashington Post. “Ashtu si me udhëtimet e tjera, drejtori u takua me homologët e tij të inteligjencës ukrainase dhe presidentin Zelensky, duke riafirmuar përkushtimin e SHBA-së për të shkëmbyer informacione për të ndihmuar Ukrainën të mbrohet kundër agresionit rus”. Zyrtari vuri në dukje se drejtori Burns udhëtoi për në Kiev përpara rebelimit të Yevgeny Prigozhin, i cili nuk ishte një temë diskutimi. The Post raportoi se Burns u takua me zyrtarë ukrainas të cilët zbuluan një strategji për të rimarrë territorin e pushtuar nga Rusia dhe për të hapur negociatat e armëpushimit me Moskën deri në fund të vitit, sipas zyrtarëve të njohur me vizitën. Ndërsa 007-at rusë kishin për detyrë të likuidonin liderin Ëagner Prigozhin pas kryengritjes së dështuar, pohon kreu i inteligjencës ushtarake ukrainase Budanov në një intervistë. “Ne e dimë se FSB-ja është ngarkuar me vrasjen e Prigozhin. A do të mund ta bëjnë? Me kalimin e kohës do të shohim…”.