Një 33-vjecare ka rënë në prangat e policisë së Lezhës, pasi rezulton se fshihej pas një skeme mashtrimi. Sipas hetimeve të kryera Donika Curri prezantohej si përfaqësuese e një shoqate bamirësie për nëna me fëmijë të mitur dhe me këtë justifikim iu merrte të dhënat persona, përfshirë fotot e kartës së identitetit disa grave, duke i mashtruar me premtimin për tiu dhënë ndihma financiare. Më pas, me këto të dhëna, aplikonte dhe përfitonte kredi në institucione financiare, në emrin e tyre. Operacioni u realizua pas 16 kallëzimeve të qytetareve të dëmtuara nga kjo shtetase. Si provë materiale janë sekuestruar dokumente bankare që tregojnë transferta të shumave të përfituara nga kreditë, në një llogari të administruar nga e dyshuara. Hetimet vijojnë për të dokumentuar skemën e mashtrimit dhe për të identifikuar përsona të tjerë të mundshëm të përfshirë.