Instituti Kombëtar i Shëndetit Publik në Kosovë njoftoi të shtunën se janë konfirmuar edhe 53 persona të infektuar me koronavirus. Rezultatet vijnë në bazë të 544 mostrave të testuara. Sipas të dhënave, nga sëmundja kanë humbur jetën edhe tre pacientë duke e cuar shifrën totale të viktimave në kosovë në 630. Në raportin ditor të IKSHPK-së njoftohet se janë konfirmuar si të shëruar edhe 56 pacientë, ndërsa raste aktive janë 1.341. Numri i përgjithshëm i të shëruarve deri më sot është gjithsej 13.787 raste. Ndërkohë në maqedoninë e veriut, bëhen më shumë teste. Vetëm 24 orët e fundit, sipas ministrisë së shëndetësisë, janë bërë 1831 teste dhe janë regjistruar 243 raste të reja. Katër persona kanë humbur jetën ndërsa 100 të tjerë janë shëruar. Numri total i infektimeve që nga fillimi i epidemisë në maqedoninë e veriut ka shkuar në 18602, ai i të shëruarve 15264 dhe i viktimave 753. Rastet aktive në vend janë 2585.