Tete viktima dhe 136 raste të reja janë raportuar të martën në kosovë nga instituti kombëtar i shëndetit publik. Në njoftimin e përditshëm të këtij instituti sqarohet se janë bërë gjithsej 471 testime nga të cilët 136 kanë rezultuar pozitivë. Tetë viktimat më të fundit, e cojnë bilancin total të atyre që e kanë humbur betejën me covid 19 në kosovë, që nga fillimi i pandemisë, në 488. Numri total i rasteve pozitive është 12683. Në 24 orët e fundit ndërkohë janë shëruar 131 pacientë, me totalin e të shëruarve që shkon në gjithsej 8788 ndërsa numri i rasteve aktive është 3407. 51 raste të reja koronavirusi në 24 orët e shkuara janë konfirmuar vetëm në kryeqytetin Prishtinë. Bilanci është i ngjashëm edhe në maqedoninë e veriut. Ministria e shëndetësisë atje raportoi për 5 pacientë të vdekur dhe 127 raste të reja në 24 orët e shkuara ndërkohë që janë bërë sipas saj 1768 testime. Shkupi vazhdon të kryesojë për sa i takon rasteve të reja, i ndjekur nga kumanova, prilepi, gostivari, tetova etj. Në këto 24 orë të shkuara janë shëruar ndërkohë 60 pacientë. Që nga fillimi i epidemisë në maqedoninë e veriut, regjistrohen 573 viktima dhe 13799 të infektuar me covid 19. Rastet aktive në vend janë 3016.