Shtëpia e Bardhë u bëri jehonë thirrjeve për ndihmë humanitare dhe një korridor jashtë Gazës ndërsa Izraeli po intensifikon përgjigjen e tij ushtarake ndaj sulmit të fundjavës nga militantët palestinezë të Hamasit. Të enjten kryediplomati i lartë amerikan mbërriti në rajon për një raund të rrufeshëm bisedimesh diplomatike e dëshmuar solidaritet me Izraelin. Zyrtarët e ndihmave thonë se nevojat humanitare janë të mëdha dhe analistët thonë se nuk ka një zgjidhje të lehtë për shqetësimet në rritje. “Ne jemi duke biseduar me zyrtarët izraelitë mbi nevojën e vazhdueshme për ndihmë humanitare për popullin palestinez, që gjithashtu është viktimë”, tha John Kirby, zëdhënësi i Këshillit të Sigurisë Kombëtare. "Është gjëja e duhur për të bërë", shtoi ai, i pyetur mbi zërat për krijimin e një korridori humanitar.