Forcat speciale RENEA kanë zhvilluar një operacion gjatë natës në zonën e Niklës në bashkinë e Krujës, si pjesë e hetimeve për vrasjen e Gilmando Danit, ngjarje e ndodhur tre ditë më parë në rrethrrotullimin e Rinasit.Gjatë aksionit në Nikël, policia ka zbuluar një arsenal të madh armësh dhe pajisjesh luftarake. Në një banesë u gjetën armë automatike, një mitraloz, pjesë të ndryshme armësh, granata, fishekë të kalibreve të ndryshme, fitil zjarrpërcjellës, si dhe sasi lënde plasëse të pajisura me celular për shpërthim nga distanca.