Të gjithë qytetarët jo-anëtarë të Bashkimit Evropian, që udhëtojnë për në dhe nga blloku evropian, nga e diela do të përballen me rregulla të reja, për shkak të fillimit të funksionimit të sistemit tashmë të vonuar të kontrollit biometrik. Sistemi i Hyrjes dhe Daljes EES do t'u kërkojë të gjithë qytetarëve jo-anëtarë të BE-së të regjistrojnë të dhënat e tyre personale, duke përfshirë gjurmët e gishtave dhe imazhet e fytyrës, kur hyjnë për herë të parë në zonën Shengen. Të dhënat do të futen gradualisht në pikat kufitare me zbatim të plotë deri më 10 prill 2026, duke i dhënë BE-së besimin se nuk do të ketë më radhë të gjata në kufi.