Kreu i Partisë Demokratike, Lulzim Basha ka përcjellë një mesazh mirënjohje për Eliot Engel, “mikun e shqiptarëve”, i cili pas 32 vitesh do të lërë kongresin amerikan. Në një postim në rrjetet sociale Basha falënderon Engel për mbështetjen vendimtare gjatë 3 dekadave, që ka sjellë pavarësinë e Kosovës dhe tranzicionin demokratik në Shqipëri, përfshirë anëtarësimin në NATO. “Shpreh mirënjohjen time më të thellë për mikun tonë të shtrenjtë dhe avokatit tonë të palëkundur Z. Eliot Engëll. Faleminderit për mbështetjen vendimtare gjatë 3 dekadave, që ka sjellë pavarësinë e Kosovës dhe tranzicionin demokratik në Shqipëri, përfshirë anëtarësimin në NATO. Do të vazhdojmë më tej së bashku punën e papërfunduar ende”, shkruan Basha. Nje dite me pare Engel postoi në “Facebook” fjalimin e mbajtur pak ditë më parë, ku nuk harron të përmendë Kosovën, që thotë se zë një vend të veçantë në zemrën e tij.