Një ngjarje e rëndë është regjistruar në Korçë, ku tre vajza të mitura janë dërguar nga familjarët në Pediatrinë e qytetit për të marrë ndihmë mjekësore. Sipas deklarimeve të familjarëve, dyshohet se fëmijët kanë konsumuar disa karamele, të cilat i kanë gjetur në rrugë, pranë një koshi mbeturinash. Burime konfidenciale bëjnë me dije se dyshohet karamelet kanë patur përmbajtje të lëndëve narkotike të llojit kanabis. Nga ana e policisë, është konfirmuar totalisht që karamelet janë gjetur në koshi i mbeturinave dhe nuk ua ka dhënë asnjë person tjetër. Dy vajzat e tjera 7 dhe 10 vjeç fatmirësisht e kanë kaluar rrezikun për jetën dhe ndodhen në gjendje të stabilizuar nën kujdesin e mjekëve në pediatri. Bluzat e bardha sqarojnë se edhe 3 vjeçarja ka dalë nga intubimi. Hetimet vijojnë lidhur me ngjarjen e rëndë, ndërsa po pyeten të gjithë familjarët dhe të afërmit e të miturave. Sipas informacioneve të deritanishme vajzat kanë konsumuar nga dy karamele, ndërsa do të jenë analizat laboratorike që do të tregojnë nivelin e narkotikëve në gjak.