Mosmarrëveshjet mes dy bashkëpronarëve që zgjasnin prej vitesh për një pallat në përfundim e sipër , janë agravuar me përdorimin e armëve mëngjesin e së mërkurës në Tiranë. Ngjarja ka ndodhur në zonën e ish parkut të autobusave në tiranë, ku sipas të dhënave të policisë pranë pallatit është paraqitur Albert Allmuca i armatosur dhe i shoqëruar me disa persona ku pas debateve Allmuca ka qëlluar mbi Sino Llanaj duke e lënë të plagosur. Si pasojë e të shëtnave është plagosur edhe kalimtari i rastit Klodian Komino nga një plumb qorr. Të dy të plagosurit janë dërguar në spital pas plagëve të marra dhe ndodhen jashtë rrezikut për jetën. Gjatë konfliktit ka mbetur i plagosur me sende të forta edhe roja i pallatit, ku dyshohet se është goditur nga personat që shoqëroin Albert Allmuçën. Grupi hetimor në vendin e ngjarjes ka kryer veprimet paraprake dhe ka marrë në pyetje disa persona që kanë qene të pranishëm, si dhe ata që kanë mbetur të plagosur.