8 anetaret e Kolegjit Zgjedhor janë përzgjedhur permes një shorteu të hedhur në mjediset Kolegjit te Larte Gjyqësor në një listë emerore me 16 kandidatë të miratuar në mbledhjen e paradites së të martës nga KLGJ. Anëtarët e rinj të Kolegjit Zgjedhor janë Sokol Ibi, Manjola Xhaxho, Edlira Petri, Emona Muci, Asim Vokshi, Gentian Medja, Esmeralda Ceka dhe Alma Kolgjoka. Kushti kryesor që gjyqtarët duhet të plotësojnë për të qenë anëtarë të Kolegjit Zgjedhor është kalimi i vettingut në të dyja shkallët, shkalla e parë Komisoni i Pavarur i Kualifikimit dhe atë të Kolegjit të Apelimit. Deri më tani, kanë kaluar vettingun me vendim të formës së prerë 32 gjyqtarë. Nga këta, për efekt të ligjit dhjetë përjashtohen, sepse janë gjyqtarë të GJKKO dhe nuk e lejon ligji të jenë pjesë ndërsa gjashtë prej tyre janë gjyqtarë të KLGJ. Pas përzgjedhjes me short anëtarët e rinj të Kolegjit Zgjedhor do të bëjnë betimin brenda 24 orëve për marrjen e detyrës. Kolegji Zgjedhor është strukturë e posaçme që merr në shqyrtim çështjet dhe ankesat gjatë proceseve zgjedhore dhe ka një mandat 4 vjecar. Trupa e përzgjedhor prej 8 anëtarësh do të shtyrtojë ankesat e subjekteve zgjedhore edhe ne zgjedhjet parlamentare të vitit të ardhshëm, të dekretuara nga presidneti Ilir Meta për t’u mbajtur në 25 prill 2021.