Detaje të reja janë bërë me dije nga mediat e huaja në lidhje me vrasjen e 34 vjecarit Ergys Dashi pak ditë më parë në Ekuador. Ndërsa lajmi pushtoi mediat vendase por edhe disa nga mediat e huaja dhe u përfol se Dashi ishte pjesë e një bande të trafikut ndërkombëtar të drogës, mesa duket përfshirja e tij në aktivitetet kriminale nuk përfundon me kaq. El Telegrafo, një media e njohur në Ekuador, ka bërë me dije se shqiptari ishte i përfshirë edhe në fushën e shfrytëzimit të prostitucionit. “Organizata kriminale ku ai bënte pjesë trafikonte drogë në Bolivi, Spanjë dhe Shqipëri. Vlerësohet se për këtë trafik droge ai përfitonte nga 70.000 deri në 90.000 dollarë në muaj, shkruajnë mediat ekuadoriane.