Në gjykatën e Lezhës, u mbajt seanca ndaj Jetmir Llanit, 46 vjeçari i cili akuzohet si pjesë e një grupi prej 5 personash që u vendoste gjoba bizneseve të zonës. Prokuroria tha se Llani përdoret dy persona të tjerë dhe dy të mitur që u përcillnin bizneseve të zonës mesazhet e tij kërcënuese me qëllim përfitimin e padrejtë pasuror. Hetimet ndaj këtij grupi kishin nisur 3 muaj para se te kryhej operacioni i policie pas indicieve të marra. Gjatë kësaj kohe grupi ishte mbajtur nën vëzhgim dhe përgjim. Dy të miturit u kapën në flagrancë duke tentuar të merrnin një shumë parash tek një biznes dhe pas ndalimit te tyre dhe të një 39-vjeçari u realizua edhe operacioni për kapjen disa ditë më vonë të Jetmir Llanit, si drejtuesi ui këtij grupi. Avokati e 46 vjeçarit e konsideruan arrestimin të paligjshëm dhe akuzat e ngritura ndaj klientit të tij si politike dhe që lidhen me fushatën zgjedhore që po troket. Llani është person me precedent penalë, i dënuar me burg për një vrasje të kryer në vitin 2012.