Komisioni i Ligjeve, miratoi ndryshimet në Kodin Zgjedhor, të cilat u dakordësuan në tryezën e Këshillit Politik më 5 Qershor. Gjatë mbledhjes së sotme, relatori i projektligjit, Alket Hyseni ka lexuar nën për nen amendamentet e dakordësuara nga opozita jashtë parlamentare në bashkëpunim me Damian Gjiknurin. Hyseni nuk është ndalur në nenet specifike, duke mos shpjeguar përmbajtjen e tyre, por të gjitha propozimet morën 3 vota kundër të anëtarëve të opozitës së re në parlament, të cilët përkrahin nismën e ndryshimeve Kushtetuese të Myslim Murrizit dhe Rudina Hajdarit. Në seancë do të duhen 84 vota për tu miratuar, të cilat mazhoranca nuk i ka por siç mësohet me këtë lobim do të merret ambasada e SHBA-së. Ndërkaq, në mbledhje ka pasur një përplasje të fortë ndërmjet kreut të komisionit Ulsi Manja dhe kretut ë Ballit Kombëtar Demokrat, Adriatik Alimadhi.