Shtetet e Bashkuara duhet të shtojnë angazhimin e tyre në Ballkanin Perëndimor nëse duan t’i bëjnë ballë ndikimit kinez dhe rus në rajon, tha ish presidentja e Kroacisë, Kolinda Grabar-Kitarovic, ish presidente e Kroacisë nga viti 2015 deri më 2020.Gjatë një diskutimi të organizuar nga Instituti Hoover i Universitetit të Stanfordit, Kitarovic kritikoi edhe Bashkimin Europian për vonesa në procesin e integrimit të këtyre vendeve.“Nëse vërtetë dëshironi që të parandaloni të tjerët nga ndërhyrja, atëherë duhet që vetë të përfshiheni”, tha ajo duke iu referuar Shteteve të Bashkuara. Kitarovic shprehu zhgënjimin ndaj "një lloj mungese të interesimit për rajonin e Ballkanit” nga administratat e presidentit, Donald Trump dhe paraardhësit të tij Barack Obama. Uashingtoni dhe Brukseli kanë bërë përpjekje për integrimin e vendeve të Ballkanit Perëndimor në Bashkimin Evropian (BE) dhe NATO në mënyrë që të sigurojnë stabilitet në një rajonin që u përfshi në luftra etnike në vitet 1990. Por ky process sipas ish presidenetes kroate ka qenë "shumë i ngadaltë" dhe se "po krijon një hapësirë që po mbushet nga forcat e treta", një referencë e mundshme kjo për Kinën dhe Rusinë. Shtetet e Bashkuara dhe BE-ja kanë shprehur shqetësime në lidhje me investimet nga Pekini në Ballkanin Perëndimor si dhe fushatat e dezinformimit të Kremlinit si dhe veprimtaritë e ndikimit politik në rajon.