Angelina Jolie i ka thënë britanikes Guardian se ajo druante për sigurinë e fëmijëve të saj gjatë martesës me Brad Pitt dhe kritikoi qeverinë amerikane se nuk ka bërë më shumë për të mbrojtur të drejtat e minorenëve. Në një intervistë për Ëeekend Magazine, aktorja dhe aktivistja tha se eksperiencat nga marrëdhënia e saj me Brad Pitt e bënë të kuptonte rëndësinë e të drejtave të fëmijëve, që ajo i mbështet në një libër të ri: Njihni të drejtat tuaja! E pyetur se cfarë kishte ndodhur që i kishte shkaktuar frikë për fëmijët e saj, Jolie tha se ajo ishte ende në një situatë ligjore në të cilën nuk mund të flasë por konfirmoi në heshtje se ajo i referohej divorcit dhe akuzave për abuzim në familje që ajo ka ngritur ndaj Pitt. E pyetur nëse ajo kishte frikë për sigurinë e fëmijëve, ajo u përgjigj: Po, kisha frikë për familjen time. Për të gjithë familjen. Dy aktorët vazhdojnë betejën ligjore për kujdestarinë e fëmijëve, dhe Jolie pretendon se Pitt ishte abuziv si në aspektin verbal ashtu edhe në atë fizik.