Kina po ndërton një ushtri të madhe në stil ‘Star Ëars’ në hapësirë, duke trefishuar numrin e satelitëve të saj spiunë në gjashtë vitet e ardhshme. Ekspertët paralajmërojnë se superfuqia komuniste mund t'i përdorë ato për të mbështetur një pushtim të Tajvanit, me nëndetëset që lëshojnë raketa drejt objektivave që janë identifikuar nga teknologjia hapësinore. Dhe shefat amerikanë thonë se presidenti i Kinës Xi Jinping është i vendosur ta bëjë rajonin e Indo-Paqësorit, një zonë të ndaluar për forcat perëndimore. Kina ka rreth 350 satelitë vëzhgimi të fokusuar në zonë, një rritje prej 300 për qindësh krahasuar me vitin 2018, paralajmëroi Forca Hapësinore e SHBA-së këtë javë. Këta satelitë mund të lejojnë Pekinin të godasë objektivat që janë mijëra kilometra larg. Rezervat ekzistuese të raketave balistike gjithashtu do të jenë në gjendje të godasin objektivat më saktë, tha SHBA. Koloneli Raj Agraëal, komandanti i forcës amerikane Space Delta 2, tha se Kina po zgjeronte fuqinë e saj ushtarake përmes një gare të re hapësinore. Duke folur në ambasadën e SHBA-së në Londër, ai tha: “Kinezët kanë demonstruar qëllim të qartë me atë që po bëjnë në hapësirë, dhe ky synim është projeksioni i fuqisë së saj në Indo-Paqësor. “Kinezët po vendosin forca në një mënyrë të tillë për ta bërë Indo-Paqësorin të ndaluar për SHBA-në dhe aleatët e saj.” Nënkoloneli Travis Anderson - shefi i një skuadroni të inteligjencës së Forcave Hapësinore - tha se fuqia e Kinës "i lejon ata të shikojnë në Indo-Paqësorin dhe të gjejnë anijet e SHBA-së dhe forcave aleate".Ai tha se plejada e satelitëve ushtarakë të Kinës po "po rritet shumë më shpejt se ajo e SHBA". Në fillim të këtij muaji, gjenerali Stephen Ëhiting, komandanti i Komandës Hapësinore të SHBA-së, tha se Kina po lëvizte me "shpejtësi marramendëse".