Vetëm dy javë më parë, banorët e kryeqytetit ukrainas shkonin në dyqane, në shkollë, apo uleshin në tryezat e tyre të punës. Pushtimi rus, ndryshoi gjithcka. Duke luftuar për jetët e tyre, civilët të kthyer në ushtarë vullnetarë, ndihmuan në ndërtimin e mbrojtjes së qytetit me precizion ushtarak dhe tani janë gati për luftë. Llogore janë hapur deri thellë në pyjet që rrethojnë rrugën kryesore që con në Kiev nga jugu. Pozicione të fortifikuara janë gati për cfarë do të vijë. Barriera të mëdha metalike, anti tank, janë vendosur në intervale të rregullta përgjatë rruës dhe bllokada me thasë rëre apo me blloqe të mëdha betoni, shihen në cdo dalje. Njerëzit në kiev janë të vendosur të mbrojnë qytetin e tyre. Ndërsa forcat ruse afrohen, vendosmëria e banorëve të Kievit është e mahnitshme, me shumë prej tyre madje që shihen edhe me humor të mirë e moral të lartë.