Kievi ka kaluar një natë ferri pasi rusia ndërmori një sulm masiv me raketa që la 53 të plagosur. Mbrojhtja ajrore ukrainase, zbrapsi 10 sulme, që besohet se u kryen me raketat e fuqishme ruse Iskander, por dëme u shkaktuan nga mbetjet e rëna të raketave. Sulmet ruse nuk kursyen as një spital fëmijësh dhe një ndërtesë banimi, ndërkohë që mes 53 të plagosurve kishte edhe gjashtë fëmijë, njëri prej tyre vetëm pesë vjec. Ky shënon numrin më të madh të të lënduarve në kryeqytetin ukrainas prej muajsh të tërë. 20 persona u shtruan në spital si rezultat i bombardimeve mbi Kiev, mes tyre edhe dy fëmijë. Administrata ushtarake e Kievit tha se qyteti ishte përballur me sulme me raketa të shpejta. “Ashtu si edhe në 11 dhjetor, armiku ka përdorur armë balistike. Rusët i lëshuan raketat rreth orës 3 të mëngjesit, me shumë gjasë nga rajonet veri lindore” – tha Sergi Popko. Sipas tij, kishte shumë raste të rënies së mbetjeve të raketave të shkatërruara, një prej të cilëve në distriktin Desnyanski, ku 17 banorë, mes të cilëve shtatë fëmijë, u evakuuan nga një ndërtesë që mori flakë. Kryebashkiaku i kievit, vitali klichko, tha ndërkohë: Në një nga spitalet e fëmijëve në distriktin Dnipro, dritaret janë thyer dhe hyrja kryesore në institucion është dëmtuar. Në anën tjetër, në rajonin e odesës, 10 dronë kamikzë shahed, të lëshuar nga krimea e aneksuar, u shkatërruan. Sulmet vijnë ndërsa presidenti volodimir zelenski ndodhej në Uashington, ku presidenti Joe Biden, paralajmëroi se rusia po pret që SHBA të braktisë ukrainën.