Qindra punonjës të emergjencave civile dhe ushtarakë po kërkojnë në qendra tregtare, garazhe dhe parkingje nëntokësore për më shumë viktima të përmbytjeve në rajonin e Valencias që kanë vrarë deri më tani, të paktën 214 njerëz, ndërsa zemërimi i publikut rritet për trajtimin e katastrofës nga autoritetet spanjolle. Paralajmërimet për mot të keq janë në fuqi në disa pjesë të Valencias dhe Katalonjës fqinje të hënën, me njerëzit në zonat e prekura që janë këshilluar të qëndrojnë larg rrugëve dhe bregut të detit apo edhe lumenjve. Shi i rrëmbyeshëm u regjistrua në zonën e Barcelonës të hënën në mëngjes, duke bërë që qeveria rajonale të lëshojë alarme për mbrojtjen civile dhe të anulojë të gjitha shërbimet lokale të trenave. Gjatë fundjavës, personeli i njësisë së emergjencave ushtarake të forcave të armatosura i përqendroi përpjekjet e tyre në qendrat tregtare dhe parkingjet e makinave ku njerëzit mund të kenë mbetur të bllokuar nga përmbytjet, që u shkaktuan nga shirat e rrëmbyeshëm që ekspertët i kanë lidhur me emergjencën klimatike. Të dielën, kërkuesit arritën të hyjnë në parkun e makinave nëntokësore të kompleksit të madh tregtar Bonaire në qytetin Valencias, pasi pompuan ujin e përmbytjeve dhe pastruan baltën. Fatkeqësia, e cila ka shtyrë qeverinë qendrore të nxjerrë në rrugë 10,000 trupa të ushtrisë dhe oficerë policie, ka vrarë 210 njerëz në Valencia, tre në Castilla-La Mancha dhe një në Málaga. Ekziston frika se numri i viktimave mund të rritet pasi përpjekjet e ndihmës po arrijnë në zona që në parë kanë qenë të paarritshme.