I dënuar me 19 vite burg për dy vepra të rënda penale, Zuhtu Akkaya, një shtetas turk u arrestua këtë të martë në pikën kufitare Qafë Thanë. Gjykata e Lartë Kriminale Izmir, me vendimin e datës 13.05.2020, ka caktuar masën e sigurisë "Arrest në burg", për Akkayan, si dhe e ka dënuar këtë të fundit me 19 vjet burg për veprat penale "Grupi i strukturuar kriminal" dhe "Vjedhja". 45 vjeçari, nga Izmiri i Turqisë, prej disa kohësh ishte strehuar në Shqipëri për t’ju shmangur kështu dënimit dhe kapjes nga policia, ndërsa arratisja e tij mori fund këtë të martë, pasi u kap në flagrancë nga policia kufitare e Qafë Thanës, në përpjekje për tu larguar nga vendi ynë. Veprimet procedurale u kryen nga specialistët për Hetimin e Krimit të Organizuar dhe Krimeve të Rënda, në Komisariatin e Policisë Pogradec. Ndëkrohë, Interpol Tirana vijon procedurat përkatëse për ekstradimin e 45 vjeçarit drejt Turqisë.