Diplomatja e lartë e Bashkimit Europian për politikën e Jashtme Kaja Kallas paralajmëroiu se çdo mbyllje e ngushticës së Hormuzit do të ishte e rrezikshmne dhe jo e mirë për askënd. Ajo i bëri komentet para nisjes së takimit me ministrat e Jashtëm të BE që do të mabhet këtë të hënë në Bruksel, raportoi agjencia e lajmeve Reuters. Televizioni shtetëror iranian raportoi se parlamenti ka miratuar një masë për të mbyllur ngushticën, megjithëse vendimi përfundimtar i takon Këshillit Suprem të Sigurisë Kombëtare. Lidhur me këtë situatë aspak të mirë, ministrat e jsahtëm të Bashkimit Europian, do të diksutojnë nga afër, edhe pse të vetëdijshmë që u lanë mënjanë dhe u injoruan nga administrata Trump lidhur me sulmin në tre centralet bërthamore në Iran. Të premten, ministrat e jashtëm të Francës dhe Gjermanisë, si dhe homologu i tyre britanik, David Lammy, udhëtuan për në Gjenevë me shpresën për të ulur tensionet dhe për të bindur Teheranin të ulet në tryezën e negociatave bërthamore. Pas takimit me ministrin e jashtëm iranian, evropianët dërguan një mesazh të përbashkët se bisedimet duhet të vazhdojnë, duke thënë se ata “mirëpritën përpjekjet e vazhdueshme të SHBA-së për të kërkuar një zgjidhje të negociuar”. Për momentin, Evropa po përpiqet të gjejë zërin e saj dhe nuk po dëgjohet.