I përzgjedhuri për kandidat për nënpresident të SHBA-së, J.D. Vance, do të prezantohet para audiencës të mërkurën, kur do t’i drejtohet Konventës Kombëtare Republikane. Vance u përzgjodh këtë javë nga ish-presidenti Donald Trump, i cili do të garojë për një mandat të dytë në zgjedhjet presidenciale të nëntorit, kundër presidentit aktual, Joe Biden. Fjalimi i Vances, senator nga Ohajo, do të jetë i pari i tij si kandidat republikan për zëvendëspresident. AP shkruan se ai është pak i njohur politikisht, por se “me shpejtësi është shndërruar nga një kritik i ashpër i Trumpit, në një mbrojtës agresiv”. Zgjedhja e JD Vance si kandidat për zëvendëspresident, nga Trump, ka shkaktuar frikë në Evropë se ai do të vazhdojë me politikën e tij Amerika e Para që mund të kulmonte me SHBA-në që do të shtynte ukrainën të pranonte kushtet e vladimir Putinit.