Një ngjarje horror ka ndodhur mesnatën e së dielës në zonën e Astirit në Tiranë. Ashensori i një pallati ka rënë ndërsa ishtë në lëvizje dhe në të ishin 4 persona. Për pasojë dy gra kanë mbetur të lënduara, ndërsa dy personat e tjerë nuk kanë pësuar lëndime. Sipas të dhënave të policisë mësohet se mes dy grave që janë lënduar, njëra prej tyre është shtatzënë dhe ndodhet në gjendje të rëndë. Mësohet se ajo është ende në spital nën kujdesin e mjekëve dhe është në gjendje të pavetdijshme. Ndëkaq policia po vijon hetimet për të zbardhur shkaet që sollën këtë incident të rëndë. Në polici është thirrur për t’u marrë në pyetje administratori i pallatit. Banorët e pallatit, sipas burimeve kanë pohuar se ashensori kishte shumë kohë që nuk kolaudohej. Policia po verifikon përgjegjësinë e firmës së kontraktuar për montim dhe mirëmbajtjen e ashensorit.