Katër liderë të hamasit janë vrarë, përfsgirë një komandant të lartë të ngarkuar për gazën e veriut, tha grupi terrorist. Në një postim në telegram, organizata konfirmoi vdekjen e ahmed al Ghandour, një pjesëtar i lartë i këshillit ushtarak të saj, që ka qenë në komandim për 18 vjet. Në një deklaratë, brigadat al Qassam, thanë se Ghandour u vra gjatë një ofensive tokësore të Izraelit në Gaza. Ai i kishte mbijetuar të paktën tre përpjekjeve të mëparshme të izraelit për ta vrarë atë, që nga 2002. Pjesëtarët e tjerë të hamasit, të vrarë, ishin Vael Raxhab, Rafat Salman dhe Ajman Sijam. Forcat mbrojtëse të izraelit kanë thënë më herët se kanë sulmuar tunelet ku Ahmed Ghandour dhe Ajman Siam ishin fshehur por nuk kishin konfirmuar vdekjet e tyre. Nuk është e qartë se kur janë vrarë ata dhe ushtria izraelite nuk ka bërë ende komente. Trupat izraelite kanë marrë në shënjestër individë të ndryshëm, disa herë, në 15 vitet e shkuara. Omar Abu Jallah, një tjetër komandant i hamasit, ishte vrarë në një sulm izraelit me raketa vetëm pak orë para se armëpushimi katër ditor të niste. Abu Xhallah, sipas grupit militant, ishte një komandant i lartë detar me bazë në Khan Junis, në rripin e rrethuar të Gazës.