Kryeministri i Izraelit, Benjamin Netanyahu, u zotua se do ta hetojë ngjarjen tragjike të festivalit fetar hebre i cili shkaktoi dhjetëra viktima . Ai deklaroi se hetimet do të sigurojnë që ky incident me pasojë vdekjen , nuk odo të përsëritet kurrë më. Pranë Malit Meron, ku po zhvillohej fesivali B’Omer i cili mblodhi dhjetëra mijëra hebrenj ortodoksë, u vranë të paktën 45 persona dhe u plagosën 150 të tjerë. Pamjet filmike treguan turma të mëdha njerëzish, të cilët shtypeshin dhe rrëzoheshin mbi njëri-tjetrin. “Ka pasur skena zemërthyese këtu. Njerëz që janë shtypur për vdekje, përfshirë fëmijë”, u tha Netanyahu gazetarëve, duke shuar se kjo katastrofë është një nga më të tmerrhmet në historinë e Izraelit. Kryeministri po ashtu tha se e diela do të shpallet ditë zie kombëtare. Sipas raporteve fillestare, ajo u shkaktua nga shembja e një strukture. Por, burimet policore i thanë më vonë gazetës Haaretz se përplasja ka nisur kur disa njerëz kanë rrëshqitur në shkallë dhe kanë bërë që edhe dhjetëra të tjerë të bien pas tyre. Megjithatë këto raporte, ende nuk janë konfirmuar.