Presidenti amerikan Donald Trump dhe ai turk, Recep Tayip Erdogan janë të gatshëm të mbështesin bisedimet e drejtpërdrejta mes Ukrainës dhe Rusisë. Bisedimet pritet të zhvillohen më 15 maj në Turqi, me qëllim arritjen e një armëpushimi në Ukrainë, ndërkohë që Presidenti turk Rexhep Tajip Erdogan tha pas një takimi me Presidentin ukrainas Volodymyr Zelenski se këto bisedime mund të sjellin mundësi të favorshme. "Shpresojmë që kjo mundësi nuk do të çohet dëm", theksoi Erdogan. Turqia është e gatshme të angazhohet për takimet, shtoi ai. "Dua të theksoj edhe një herë se jemi të gatshëm të kontribuojmë për këto takime dhe jemi të lumtur t'i organizojmë ato", deklaroi presidenti turk. Pas bisedës me Erdoganin, Presidenti ukrainas Volodymyr Zelenski shkroi në Telegram: "Ne diskutuam pikat kryesore të takimit në Turqi të cilat mund të ndihmojnë për përfundimin e luftës”.