Një 47 vjeçar është arrestuar nga policia në Tiranë pasi shiste drogë në doza të vogla. Sipas njoftimit të policisë bazuar në informacionet e siguruara në rrugë policore, u organizua dhe finalizua operacioni i koduar “Stacioni i fundit”, në kuadër të të cilit u bë arrestimi në flagrancë i 47 vjerçarit. Nga ana e Seksionit për Hetimin e Narkotikëve janë siguruar informacione në rrugë operative se në banesën e tij në rrugën "Aleksandër Moisiu" në zonën e Kinostudios, posedonte lëndë narkotike kokainë dhe cannabis sativa. Pas kontrollit të shtëpisë policia gjeti dhe sekuestroi në cilësinë e provës materiale rreth 58 gramë lëndë narkotike kokainë, një pjesë e së cilës ishte ndarë në doza gati për shitje, një sasi me lëndë të dyshuar cannabis sativa, shuma të ndryshme parash, 2 peshore dhe 4 aparate celular.