Autoritetet doganore në Gjermani e Belgjikë kapën një sasi rekord prej 23 tonësh kokainë të cilat kishin për destinacion Holandën. Zyrtarët gjermanë zbuluan 16 tonë të kësaj droge në 5 kontenierë që mbërritën më herët gjatë këtij muajin në portin e Hamburgut nga Paraguaji. Policia në Holandë u njoftua se 7,2 tonë të tjerë kokaine që duhet të mbërrinin në këtë vend ishin bllokuar në portin belg të Anverës. Sipas autoriteteve të Gjermani, sasia e sekuestruar e lëndës narkotike mbërrin vlerën e miliarda eurove. Një 28 vjecar I përfshirë në këtë trafik është vënë në pranga në Holandë. Në Anver, droga ishte fshehur në një ngarkesë me blloqe druri nga Panamaja. Ajo që u zbulua në Hamburg ishte fshehur në kanace me stuko. “ Kjo është sasia më e madhe e kokainës e kapur ndonjëherë në Europë dhe një prej më të mëdhave të sekuestruara në botë”, thanë krerë të doganave gjermane duke iu referuar vetëm ngarkesës së Hamburgut. Për 16 tonë, vlera e rrugës e kësaj droge sipas tyre do të shkonte nga 2 deri në 3,5 miliardë euro. BBC thotë bandat e fuqishme të trafikut të drogës nga Brazili si First Capital Command e kanë shtrirë aktivitetin e tyre përtej kufirit deri në Paraguaji, e shumicën e operacioneve të tyre po e zhvillojnë pikërisht nga ky vend.