57-vjeçari Vaid Taka, i dënuar nga GJKKO me 2 vjet e 4 muaj burgim për veprën penale “Prodhimi dhe shitja e narkotikëve”, është kapur dhe arrestuar pas një operacioni policor të koduar “End”. Shërbimet e Komisariatit të Policisë Mat, në bashkëpunim me specialistët e Sektorit për Hetimin e Krimeve të Drejtorisë Vendore të Policisë Dibër, kanë realizuar operacionin bazuar në informacionet e marra në rrugë operative, duke lokalizuar vendndodhjen e shtetasit të kërkuar. Si rezultat, ai u arrestua në fshatin Klos, ku edhe qëndronte.