Policia e Durrësit në bashkëpunim me Interpol Tiranën kanë finalizuar operacionin e koduar “Brothers”, për kapjen e 2 shtetasve në kërkim ndërkombëtar. Vëllezërit Ergis dhe Arbin Hoxha, 32 vjeç dhe 34 vjeç, banues në Manzë, janë arrestuar me qëllim ekstradimin në Itali. Dy shtetasit ishin shpallur në kërkim ndërkombëtar pasi Gjykata e Breshias në Itali, i akuzon si pjesëtarë të një organizate kriminale që trafikonte lëndë narkotike. Ata akuzohen për veprat penale “Organizata kriminale” dhe “Trafikimi i lëndëve narkotike”. Vellezërit u kapën si rezultat i kontrolleve të kryera bazuar në informacionet e siguruara në rrugë operative. Interpol Tirana do të kryejë procedurat në bashkëpunim me Interpol Romën, për ekstradimin e 2 vëllezërve, në Itali.