Shërbimet e Komisariatit të Policisë Krujë në bashkëpunim me shërbimet e Komisariatit të Policisë Nr. 5 kanë arritur të parandalojnë një ngjarje kriminale në një familje në fshatin Qerekë. Në pranga ka përfunduar shtetasi Ervis Visha, 41 vjeç. Sipas njoftimit zyrtar, 41-vjeçari kishte kanosur me armë zjarri kallashnikov, familjarët, në banesën e tyre. Gjatë kontrollit në banesën e tij, është gjetur arma e zjarrit kallashnikov me të cilën dyshohet se kanosi familjarët, si dhe 2 armë gjahu. Materialet procedurale iu referuan Prokurorisë së Tiranës, për veprime të mëtejshme.