Pas dy muajve shqiptarët do u drejtohen kutive të votimit për të përcaktuar qeverisjen e tyre 4 vjecare. Por, një prej këshillave që është pohuar me forcë nga ndërkombëtarët ka qenë ajo e kandidatëve me rekorde kriminale, e thënë ndryshe e kandidatëve të pastër. Mesditën e kësaj të enjteje, Kreu i Partisë Demokratike, Lulzim Basha, është takuar me ambasadoren amerikane Yuri Kim. Lajmi u bë i ditur nga vetë ambasadorja e SHBA, duke e cilësuar këtë takim si të shkëlqyer. Ajo thotë se është informuar për programin zgjedhor të PD-së dhe aleatëve teksa ka pasur diskutim për kandidatët dhe marrëdhëniet mes dy vendeve.