Javen e kaluar, Maqedonia e Veriut regjistroi pikun e të infektuarve me koronavirus e tani, dhe gjendja në këtë vend, sipas ministrisë së Shëndetësisë, ka nisur të stabilizohet. Ministri i Shëndetësisë, Venko Filipçe, tha se piku u arrit nw 17 nëntor kur u shwnuan 1.407 raste me koronavirus, apo 41.2 për qind të infektuar, nga numri i përgjithshëm i testeve të bëra. “Që atëherë kemi një nivel të qëndrueshëm, pra kemi një numër thuajse të njejtë të të infektuarve në bazë ditore. Madje ka një rënie të lehtë që mund të mos vërehet, por qw sistemi shëndetësor dhe personeli mjekësor e po e dallojnw” tha Filipçe. Ministri bwri tw ditur se ka dhe ulje te fuqisë së transmetimit të infektimit nga një njeri tek tjetri. Nëse më parë një i infektuar mund të përçonte virusin deri tek 1.5 persona, tani kjo shifër është ulur nën një person. Pavarësisht kësaj, Maqedonia e Veriut ndodhet në krye të listës së shteteve me numrin më të larta të vdekjeve nga COVID-19. Filipice tha se për momentin nuk po mendojnë për shtrëngim të masave, apo aplikimin e orës policore pasi sipas tij masat që janë ndwrkohe në fuqi pritet që të japin edhe më shumë efekt në ditët në vijim.