Ronela Hajati ka zbuluar se do të jetë pjesë e videoklipit të 100 vjetorit të skuadrës së futbollit të Tiranës. Vetëm disa ditë pasi Tirana u shpall kampion, këngëtarja ka treguar përmes një postimi në Instagram se mezi pret që tifozët të dëgjojnë këngën e re. Muzika do të jetë nga Dj Sardi, i cili e bëri këtë publike një ditë më parë ekskluzivisht në emisionin “Procesi Sportiv” në Top Channel, ku zbuloi edhe detaje interesante. Në videon e publikuar në rrjetin social, Ronela shfaqet në stadiumin Selman Stermasi gjatë provave për xhirimin e klipit, e veshur me të bardha e tepër rrezëllitëse. Si do të jete i konceptuar klipi, kjo mbetet për t’u parë! Në këtë vit jubilar të 100 vjetorit të krijimit të klubit bardheblu, Tirana ka fituar kampionatin e 25-të të saj 2 javë para përfundimit të sesonit.