Jo vetëm Serbia, por edhe Mali i Zi ka mbajtur takimin e radhës së konferencës së Anëtarësimit në BE në nivel ministror në Bruksel. Kjo është konferenca e dytë ndërqeveritare që kur Këshilli miratoi metodologjinë e rishikuar të zgjerimit. Podgoricaka vazhduar përpara me kapitujt për drejtësinë, të cilët pritet të nxisin reforma kyce. Edhe Serbia ka hapur po ashtu një bllok kapitujsh duke e cuar më pranë anëtarësimit në BE, ndërkohë që Shqipëria dhe Maqedonia janë për të katërtin vit radhazi në pritje të hapjes së negociatave. Delegacioni i Bashkimit Europian u kryesua nga Gasper Dovzan, Sekretar i Shtetit në Ministrinë e Punëve të Jashtme, në emër të Presidencës Sllovene të Këshillit të Bashkimit Europian. "Ne mirëpresim përparimin e bërë nga Mali i Zi. Ne nënvizuam në diskutimin tonë se përparimi në negociatat do të varet nga përparimi i Malit të Zi në përgatitjet e tij për pranim, veçanërisht në lidhje me standardet e sundimit të ligjit", tha përfaqësuesi i BE, Dovzan.