16 persona u plagosën lehtë në një zonë të Tel Avivit si pasojë e një rakete të lëshuar nga Jemeni gjatë orëve të vona të natës. sulmi erdhi si kundërpërgjigje e bombardimeve që kreu Izraeli ndaj rebelëve huthi në kryeqytetin Sana por dhe në zona të tjera dy ditë më parë. Izraeli dhe grupi Rebel prej kohësh janë përfshitrë në shkëmbime zjarri. Ushtria izraelite thotë se rebelët Huthi, të cilët mbështeten nga Irani, kanë gjuajtur më shumë se 200 raketa dhe dronë gjatë luftës Izrael-Hamas në Gaza. Po ashtu Huthit kanë sulmuar dhe anijet e mallrave në Detin e Kuq dhe Gjirin e Ademit, ndërsa janë zotuar se nuk do t’i ndalin sulmet derisa të arrihet një armëpushim në Gaza. Nga sulmi i të enjtes, sipas raportimeve, u shkatkuan dëme të shumta në portet e kontrolluara nga Huthit në Detin e Kuq, Sekretari i Përgjithshëm i OKB-së, Antonio Guterres, tha se sulmet e të dyja palëve rrezikojnë përshkallëzimin e mëtejshëm në rajon dhe minojnë përpjekjet e OKB-së për ndërmjetësim.