Kjo javë është vendimtare në Bruksel. Duke nisur nga 11 dhjetori, ministrat e Jashtëm të Bashkimit Evropian do të takohen për të biseduar rreth mbështetjes për Ukrainën dhe për një marrëveshje të mundshme për të vendosur më shumë sanksione ndaj Rusisë. Një ditë më pas, ministrat e bllokut evropian mblidhen për të diskutuar mbi një vendim historik të mundshëm në lidhje me zgjerimin e BE-së. Gjasat janë që asnjë prej këtyre cështjeve nuk do të zgjidhet para takimit vjetor të liderëve në bruksel më 14 dhe 15 dhjetor. Ndërsa gjetja e një mënyre për t’i dhënë dritën jeshile Moldavisë, Ukrainës dhe ndoshta edhe Bosnjë e Hercegovinës për fillimin e bisedime për anëtarësim në BE sa më shpejt do të jetë më së vështirësi të arrihet, ka edhe çështje të tjera që duhet të sqarohen para fundit të vitit. Pakoja e sanksioneve kundër Rusisë dhe financimi i Ukrainës për tri vjetët e ardhshme dhe dërgimi i armëve mund të jenë temë e diskutimeve. Dhe, në qendër të të gjitha këtyre vendimeve qëndron Hungaria. Si gjithmonë, kur bëhet fjalë për BE-në, shumë çështje mund të zgjidhen me ndihmën e parave. Më gjasë, edhe këtë vit. Komisioni Evropian mund të vendosë që t’i japë Hungarisë rreth 10 deri në 13 miliardë euro para samitit të BE-së, të cilat ishin bllokuar më parë nga Brukseli për shkak të shqetësimeve rreth sundimit të ligjit në vendin e Evropës Qendrore.