Java e shkurtër e punës po tërheq vëmendjen edhe në Gjermani. Berlini ka nisur një periudhë eksperimentimi prej gjashtë muajsh, në 45 kompani në të gjithë vendin, me punonjësit që do të punojnë një ditë më pak në javë, me pagë të njëjtë. Gjermania prej kohësh në fakt po përballet me një krizë për shkak të mungesës së fuqisë së punës, që kjo masë e re synon ta kufizojë, duke i bërë punonjësit më të lumtur dhe më produktivë. Sipas mbështetësve, java më e shkurtër e punës sjell një rritje të mirëqënies në planin e punës, e edhe ata që nuk janë të gatshëm të punojnë një javë të tërë joshen të hyjnë në forcën e punës duke kontribuar në reduktimin e mungesës aktuale të punonjësve që po godet vendet e industrializuara në të gjithë botën. Gjermania aktualisht po lufton me mungesën e punëtorëve në sektorët e kualifikuar dhe sipas të dhënave zyrtare, gjysma e kompanive gjermane nuk arrin dot të plotësojë vendet bosh. Mijëra vende pune bosh në ekonominë gjermane i kanë shkaktuar vendit një humbje prej më shumë se 90 miliardë eurosh vetëm vitin e fundit, ose 2 për qind të produktit të brendshëm bruto. Gjermania sidoqoftë është vetëm vendi i radhës në evropë që teston javën e punës me katër ditë. Vitet e kaluara, projekte të ngjashme kanë kryer edhe spanja, islanda, suedia, finlanda dhe mbretëria e bashkuar.