Java e 10-te e Superiores prodhoi emocione te medha, percaktoi verdikte te rendesishme por rezultoi dhe negative per disa ekipe qe u detyruan te nderpresin bashkepunimin me trajneret respektive. Premiera e fazes se dyte filloi me nje fitore spektakolare te Partizanit me rezultatin 2-1 ndaj Teutes, ku Demat e drejtuar nga Ilir Daja permbysen kampionet ne fuqi, nje disfate e klubit bregdetare qe ishte fatale per Edi Martinin, i cili u largua menjehere pas takimit. Ne sfidat vijuese, Tirana leshoi terren ndaj Skenderbeut, teksa barazimi 0-0 ne fushen e korcareve solli dhe ngushtimin e diferences me kreun duke rihapur garen per titullin. Vllaznia e Thomas Brdaric gjeti shkelqimin e munguar me nje fitore 1-0 ndaj Lacit por qe nuk i vuri ne asnje moment ne diskutim tre piket. Ne takimet permbyllese te javes, Dinamo beri detyren ndaj Kastriotit me nje triumf te vuajtur 1-0, ku u desh nje perle e kapitenit Ibrahimit per tu rikthyer te fitorja dhe te ulur presionin mbi trajnerin Bledi Shkembi. Nderkaq, Kukesi e shfrytezoi ne maksimum hapin fals te Tiranes teksa mposhten me shifrat 2-0 Egnatian me golat e Bashes dhe Milunovic duke e cuar ne vetem 1 pike diferencen me kryeqytetasit. Ky rezultat solli dhe vendimin e papritur ne kampin rrogozhinas qe vendosen te nderpresin bashkepunimin me trajnerin Gugash Magani.