Faza e pare e Kategorise Superiore u mbyll me rezultate surprizuese, ku u percaktuan edhe skenare tejet te rendesishme. Kryefjale e javes se 9-te ishte padyshim fitorja e Kukesit ndaj kryesuesve te Tiranes qe me ane te tre pikeve te arketuara ne 'Loro Borici' ngushtuan dhe diferencen ne kreun e renditjes duke rihapur kampionatin. Java qe vjen sinjalizon dhe startin e fazes se dyte, me sfidat e se shtunes fillimisht qe garantojne te tjera emocione dhe perplasje spektakolare. Skuadrat kryeqytetase do te luajne paralelisht me njera tjetren, ku Partizani i drejtuar nga Ilir Daja do te prese ne shtepi kampionet ne fuqi te Teutes, ndersa kryesuesit bardheblu do te udhetojne drejt Korces ku do te vihen perballe Skenderbeut te etur per pike ne fundin e renditjes. E shtuna do permbyllet me ndeshjen Vllaznia-Laci qe do luhet ne oren 19:45 ku ekipet kane prioritet kryesor marrjen e 3 pikeve duke qene se po kalojne nje forme mjaft pozitive gjate javeve te fundit. Te dielen do te luhen dhe dy takimet Dinamo-Kastrioti dhe Kukesi-Egnatia qe sinjalizojne dhe fundin e javes se 10-te ndersa te gjitha ndeshjet do transmetohen drejtpersedrejti ne platformen Digitalb.