Saga që po pason vdekjen e Diego Armando Maradonës po i përngjan gjithmonë e më shumë një telenovele, të ngjashme me ditët që pasuan vdekjen e këngëtarit të njohur Majkëll Xhekson. Në të dy rastet ka polemika për arsyet e vdekjes, mjekimin, por mbi të gjitha për trashëgiminë dhe testamentin multimilionësh. Që beteja rreth pasurisëDiego Armando Maradona do të ishte veçanërisht e ashpër dhe asnjë goditje nuk përjashtohej, kjo ishte mjaft e parashikueshme. Megjithatë, tani dalin në skenë zhvillime të tjera. Sipas gazetës Clarin, ish-kampioni ka përjashtuar nga testamenti i tij i fundit ish-gruan e tij dhe dy vajzat që ajo kishte,Dalma dhe Giannina. Beteja ligjore midis Diego dhe Claudia Villafane daton që prej pesë vjetësh.