Që prej ndarjes së saj nga Kanye West, Kim Kardashian shpesh herë në deklaratat që ka dhënë në lidhje me raportin e tyre është shprehur se ata të dy gjithmonë do jenë miq shumë të mirë edhe pas divorcit. Sipas Kim, edhe pse martesa e tye ka përfunduar dhe nuk bashkëjetojnë më me njëri-tjetrin ata do të jenë gjithmonë familjarë. Fundi i serialit të “Keeping Up With The Kardashians”, bashkoi motrat më të famshme në botë për të rrëfyer histori apo të pathëna nga jeta e tyre private. Bashkimi i tyre solli rrëfime që nuk ishin thënë kurrë më parë dhe që fansat nuk ishin në dijeni për disa gjëra në lidhje me jetën e tyre private. Teksa u rrëfye për disa detaje në lidhje me marrëdhënien e saj me Kanye, Kim tha se ajo gjithmonë do të jetë adhuruesja e tij më e madhe. Modelja gjithashtu shtoi se, edhe pse nuk janë më bashkë, gëzon një respekt shumë të veçantë për reperin. Kujtojmë se Kanye West po jeton një histori të re dashurie me Irinia Shayk. Dyshja janë fotografuar shpesh në shoqërinë e njëri-tjetrit, gjë që konfirmon zërat që ata janë në një lidhje.