Një avion i lidhur me oligarkun rus të vënë nën sanksione, Roman Abramovich është ulur në moskë mëngjesin e të martës, pasi u nis nga stambolli pas një ndalese të shkurtër atje. AVioni i lidhur me Abramovicin, pronarin e klubit të futbollit Chelsea, mbërriti në stamboll nga Izraeli të hënën, pak pasi ai ishte parë në aeroportin e tel Avivit Ben Gurion. Abramovich është mes shtatë miliarderëve rusë që janë shtuar në listën e sanksioneve të britanisë së madhe, javën e shkuar, që ka si qëllim të izlojë presidentin Vladimir Putin pas pushtimit të Ukrainës. Oligarku rus, që ka pasaportë izraelite dhe portugeze po ashtu, ka mohuar të ketë lidhje të ngushta me Putinin. Një foto e agjencisë së lajmeve Reuters, e tregonte abramovichin të ulur në sallën vip të aeroportit të Tel Avivit, me një maskë mbrojtëse nën mjekërr, të hënën. Ministria britanike e transportit tha të premten e shkuar se britania po kërkonte për helikopterët dhe avionët që i përkasin oligarkëve të vënë nën sanksione. Shumë prona, përfshirë edhe jahtet me vlerë qindra e miliona dollarë, janë konfiskuar nga autoritetet në evropë, ditët e fundit. Të dhënat ndërkohë tregojnë se jahti 600 milionë dollarësh i abramovichit, solaris, ka fikur motorin në brigjet pranë shqipërisë mëngjesin e të martës, me statusin “në pritje të udhëzimeve’. Destinacioni i jahtit duket se është turqia, pasi ai u largua nga Mali i zi ku ishte ndalur më herët, por edhe ky destinacion i fundit duket se nuk është mundur tashmë.