Qeveria amerikane ka filluar publikimin e serisë së fundit të dokumenteve mbi vrasjen e presidentit John F Kennedy, një rast që ende ushqen teori konspirative pavarësisht se kanë kaluar më shumë se 60 vjet. Publikimi vjen pas një urdhri ekzekutiv të nënshkrar në janar nga Presidenti Donald Trump, që kërkonte që dosjet e paredaktuara të çështjes të bëheshin publike. Historianët sidoqoftë nuk presin shumë zbulime novatore nga të dhënat, të cilat ata po i studiojnë që pas publikimit, të martën në mbrëmje. Trump ka vlerësuar se 80,000 faqe dokumente do të zhvulosen. Autoritetet amerikane kanë deklasifikuar më parë qindra mijëra dokumente të JFK, por disa janë mbajtur të bllokuara duke përmendur shqetësimet për sigurinë kombëtare. Shumë amerikanë ende besojnë se personi i armatosur, Lee Harvey Osëald, nuk ka vepruar i vetëm.