Kryeministri Benjamin Netanyahu tha të mërkurën se Izraeli ishte "i përgatitur për një operacion shumë intensiv" përgjatë kufirit me Libanin, ku trupat izraelite kanë shkëmbyer zjarr pothuajse çdo ditë me luftëtarët e Hezbollahut. Shkëmbimet e zjarrit mes Izraelit dhe lëvizjes Hezbollah, të mbështetur nga Irani dhe aleate të Hamasit, janë intensifikuar gjatë javës së kaluar, me sulme të përsëritura izraelite më thellë në territorin libanez. "Ne jemi të përgatitur për një operacion shumë intensiv në veri. Në një mënyrë apo tjetër, ne do të rivendosim sigurinë atje," tha Netanyahu gjatë një vizite në zonën kufitare, më herët të mërkurën. Partnerët në koalicion kanë bërë thirrje ditët e fundit për veprime urgjente për të rikthyer sigurinë në Izraelin verior. "Ata po na djegin këtu dhe të gjitha fortesat e Hezbollahut gjithashtu duhet të digjen dhe të shkatërrohen. LUFTË!" tha Ministri i sigurisë kombëtare, Ben Gvir të martën në një postim në Telegram.